Carl Maria von Weber

De Wikipedio
Carl Maria von Weber

Carl Maria Friedrich Ernst von Weber (n. 18 o 19 di november 1786, m. 5 di junio 1826) esis Germana kompozisto.

Der Freischutz[redaktar | redaktar fonto]

Ye 18 di junio 1821 en Berlin, ilua opero Der Freischütz (La liber-pafisto) esis unesmafoye pleata. Ol esis sucesoza, ed ol esis balde pose pleata en Wien ed altra urbi en Europa. La rakonto di la opero venis de Germana legendo pri la Freischütz: pafisto qua, pro kontrato kun la diablo, havas sis magiala kugli qui frapas irga objekto segun lua volo; tamen la diablo disponas la sepesma kuglo.

Euryanthe[redaktar | redaktar fonto]

Ye 25 di oktobro 1823, ye la Theater am Kärntnertor en Wien, ilua opero Euryanthe esis unesmafoye pleata. Il esis komisata en 1821 krear opero por ta teatro, ed il selektis Helmina von Chézy kom la libretisto. La rakonto fondesis sur romano di la 13ma yarcento. La verko esis bone recevita ye la komenco, ma ol pleesis nur duadek-foye; esis kritiki pri la libreto e la longeso di la opero. Ol esas frua exemplero di romantikismo, ed anticipis la operi di Richard Wagner. Gustav Mahler, direktisto di la statal opero en Wien, produktis modifikita versiono en 1903, ma nur kin pleadi eventis. Nuntempe, ol esas apene konocata, tamen la uverturo esas ofte pleata.