Irez a kontenajo

Cheshire, Connecticut

De Wikipedio
Cheshire
Skolo en edifico historiala di Cheshire.
Lando: Usa
stato: Connecticut
Informo:
Latitudo: 41°30'44"N
Longitudo: 72°54'13"W
Altitudo: 70 m
Surfaco: 86,4 km²
Habitanti: 28 733 (2020)
Denseso di habitantaro: 330 hab./km²
Disto de Hartford: 41,8[1] km
Horala zono: UTC-5
(UTC-4 dum somero)
Urbestro: Sean M. Kimball

CHESHIRE
Oficala retosituo:
https://www.cheshirect.org
Unesma Kongregacionala Kirko en Cheshire.

Cheshire esas urbo en la komtio New Haven, Connecticut, Usa. Segun la demografiala kontado di 2020, ol havis 28 733 habitanti, kontre 29 261 habitanti en 2010.[2] Lua tota surfaco esas 33,4 quadrata milii, equivalanta a 86,4 km², de qui 33,1 mi² o 85,6 km² esas lando, e la cetera kovresas per aquo.

La centrala quartero di Cheshire esas vilajo samnoma, qua ank esas lua demografiala centro. Segun la demografiala kontado di 2010, vilajo Cheshire havis 5 786 habitanti.[3] L'urbo fondesis en 1694, ed enkorpigesis en mayo 1780. Komence, Cheshire esis parto di Wallingford, Connecticut.

Cheshire esas la demografiala centro di Connecticut.[4] En 2009, Cheshire rangizesis #72 en "100 Best Places to Live" (100 Loki Maxim Bona por Vivar), de la revuo Money,[5] ed en 2011, ol rangizesis #73[6]. L'urbo havas 1 fakultato, Cheshire High School, kun 1538 studenti.

Kanalo Farmington, en Cheshire.

Cheshire jacas meze kelka importanta grand urbi di Connecticut. Ol distas cirkume 14 mili (23 kilometri) norde de New Haven, 25 mili (40 kilometri) sude de la chef-urbo Hartford, 30 mili (48 kilometri) nordeste de Bridgeport ed ol esas vicina di Waterbury. Cheshire adjacas norde e nordeste Southington, nordeste Meriden, este Wallingford, sude Hamden, sudweste Bethany, weste Prospekt, e nordweste Waterbury e Wolkott. Lua reliefo esas plana kun kelka kolini. Lua mezavalora altitudo esas 70 metri super la marala nivelo.

La klimato dil urbo esas humida kontinentala (Dfa segun la klimatala klasifikuro da Köppen) Lua klimato karakterizesas per varma someri, kolda vintri e pluvi dum la tota yaro, sen sika sezono[7]. La mezavalora temperaturo en julio (somero) esas 28,3°C, kontre ke la mezavalora temperaturo en januaro (vintro) varias inter 0,9°C dum la maxim varma dii, e -5,6°C dum la maxim kolda[7].

La mezavalora yarala pluvo-quanto esas 1386 mm, e la maxim pluvoza monato esas julio, kun mezavalore 97 mm[7].

Demografio

[redaktar | redaktar fonto]

Segun la demografiala kontado di 2000,[8] esis 28 543 personi, 9349 hemi, e 7254 famili qui vivis en la urbo. La denseso di habitantaro esis 867.4 personi per quadrata milio (334.9 personi per quadrata kilometro). Esis 9588 domi kun mezvalora denseso di 291.4 per milio quadrata (112.5 per kilometro quadrata). Segun raso, esis 89.40% Blanki, 4.76% Afrikan-Usani, 0.22% indijeni Amerikana, 2.63% Aziani, 0.02% Pacifik-insulani, 3.84% Hispan-Amerikani, 1.91% altra rasi, ed 1.15% de du o plura rasi.

Esis 9349 hemanari, di qui 39.1% havis pueri od adolecanti evante min kam 18 yari en la domo, 68.5% esis mariajita e habitis kune; en 6.9% muliero sen spozulo esis la domo-chefo, e 22.4% esis ne-familii. En 19.4% de omna hemanari vivis singla individuo, e 9.6% habitesis da singla individuo evanta 65 yari o pluse. La mezvalora grandeso po hemanaro esis 2.71 personi e la mezvalora grandeso po familio esis 3.14 personi.

La procento di habitanti segun evo esis: 25.2% evanta min kam 18 yari, 7.7% de 18 til 24 yari, 29.4% evante de 25 til 44 yari, 25.0% evante de 45 til 64 yari, e 12.6% evante 65 yari o pluse. La mezavalora evo esis 38 yari.

  1. https://www.rome2rio.com/s/Cheshire-CT-USA/Hartford
  2. "Profile of General Population e Housing Characteristics: 2010 Demographic Profile Data (DP-1): Cheshire town, New Haven County, Connecticut" - Publikigita da U.S. Census Bureau, American Factfinder. URL vidita ye 26ma di septembro 2012. Idiomo: Angla.
  3. "Profile of General Population e Housing Characteristics: 2010 Demographic Profile Data (DP-1): Cheshire Village CDP, Connecticut" - Publikigita da U.S. Census Bureau, American Factfinder. URL vidita ye 15ma di oktobro 2012. Idiomo: Angla..
  4. "Population e Population Centers by State" - Publikigita da United States Census Bureau: 2000 Census. URL vidita ye 18ma di agosto 2007. Idiomo: Angla.
  5. "Best Places to Live 2009" - Publikigita da CNN. Idiomo: Angla.
  6. "Best Places to Live 2011" - Publikigita da CNN. Idiomo: Angla.
  7. 7,0 7,1 7,2 Yearly and monthly weather - Cheshire CT - Publikigita da Weather Atlas. URL vidita ye 2ma di februaro 2025. Idiomo: Angla.
  8. "American FactFinder" - Publikigita da U.S. Census Bureau. URL vidita ye 31ma di januaro 2008. Idiomo: Angla.