Dezerto Namib

Namib esas granda dezerto en sudal Afrika qua kovras tota litoro di Namibia e parto ek sudala litoro di Angola e nordala Atlantika litoro di Sudafrika. Ol kovras cirkume 81 mil k², e lua larjeso varias de 80 til 200 kilometri, de la litoro. On kredas ke ol esas la maxim anciena dezerto de la mondo, nam ol savas ke ol ja existis dum Terciar-epoko, cirkume 65 milion yari ante nun, kande dinosaurii extingesis.

Ol povas subdividesar en du zoni: norde de Walvis Bay e de Tropiko di Kaprikorno la pluvo-quanto augmentas, nome dum somero, kontre ke sude de Tropiko di Kaprikorno la zono esas plu sika e kolda, nome dum vintri. Malgre la manko di pluvi, la humideso veninta del oceano koldigas dum la nokto e transformesas en aquo liquida, qua posibligas la transvivo di Welwitschia mirabilis, planto judikata kom "vivanta fosilo".