Egea maro

De Wikipedio
Irez a navigado Irez a serchilo
Mapo pri Egea maro.
Peizajo dil insulo Chios, che Egea maro.

Egea maro esas la parto di Mediteraneo inter Grekia e Turkia. On judikas ke la limiti di ca maro esas insuli Kýthira, Antikythira od Antikera, Kriti/Kreta, Kásos, Kárpatos e Ródos. Pro ke lua suda limito esas arbitriala, esas desfacila kalkular lua tota surfaco, esanta ol aproxime 180 mil km². Lua maxima disto de norde til sude esas 600 kilometri, kontre ke lua maxima disto de este til weste esas 400 kilometri. La maxim multa insuli en ca maro apartenas a Grekia. Tamen, Turkia anke posedas centi di insuli ibe, kelk ek li habitata.

Lua nomo venas del legendala rejulo Egeo, de Athina, qua dronis su en ca maro pos ke pensis ke lua filiulo Teseos mortigesis dal Minotauro en Kriti.