El Paso, Texas
| El Paso | ||
| ||
| Kelk imaji pri El Paso. | ||
|
| |
| Standardo | Blazono | |
| Lando: |  Usa
| |
| Stato: | Texas | |
Informo:
| ||
| Latitudo: | 31°47'25"N | |
| Longitudo: | 106°25'24"W | |
| Altitudo: | 1140 m | |
| Surfaco: | 663,7 km² | |
| Habitanti: | 678 815 (2020) | |
| Denseso di habitantaro: | 1014,17 hab./km² | |
| Disto de Austin: | 995,7[1] km | |
| Horala zono: | UTC-7 (UTC -6 dum la somero) | |
| Urbestro: | Dee Margo (R) | |
 • El Paso | ||
Oficala retosituo:
| ||
| www.elpasotexas.gov | ||
El Paso esas urbo en la stato Texas, Usa. Segun statistiki dil yaro 2017, ol havis 683 577 habitanti. Lua tota surfaco esas 663,7 km².
Jacanta apud la fluvio Rio Grande, an la frontiero kun Ciudad Juárez, la maxim populoza urbo di Mexikiana stato Chihuahua, ol formacas metropolala regiono ensemble Las Cruces, en Nova-Mexikia. Kompanio Western Refining, Inc., olim la maxim granda proprietanto di refinerii di Usa e nun filialo de kompanio Marathon Petroleum Corporation, havas sua sideyo en El Paso. L'aerodromo militala Biggs Army Airfield e la militala bazo Fort Bliss anke jacas en la urbo. La precipua universitato dil urbo esas l'Universitato di Texas El Paso - UTEP, establisita ye la 16ma di aprilo 1913, e nun havanta plu kam 25 mil studenti.
Geografio
[redaktar | redaktar fonto]
La reliefo di El Paso esas ordinare plana, jacanta interne la dezerto di Chihuahua, an la valo di fluvio Rio Grande. Lua mezavalora altitudo esas 1185 metri, e lua maxim alta punto esas monto North Franklin, kun 2192 metri super la marala nivelo.
La klimato di El Paso esas arida de dezerto, kun varma someri e basa atmosferala humideso (BWh segun la klimatala klasifikuro da Köppen). La mezavalora temperaturo en decembro (vintro) esas 7,8°C, kontre ke la mezavalora temperaturo en julio (somero) esas 29,1°C.
La mezavalora yarala pluvo-quanto dil urbo esas 223 mm. La maxim pluvoza epoko iras de julio til septembro, e la maxim pluvoza monato esas agosto, kun mezavalore 42 mm.