Familianaro

Familianaro o familian-pozeso esas formo di alternativa psiko-terapio qua introduktesis en west-Europa da la germano Bert Hellinger. Kom west-europano il renkontris ca modo di laboro dum ilua laboro kom misionero en Sud-Afrika. La modo di laboro da Hellinger esas la tala-nomizita sistemala laboro. La procedo inspiresis da indijena spiritala mistikismo por kontributar a forigar tensi, lejerigar emocala kargo e solvar reala-mondala problemi. Dum ilua yari en Sud-Afrika Hellinger lernis parolar fluante la Zulu-linguo, partoprenis en Zulu-rituali ed apreciis la Zulu-vido di la mondo.

Terapiisti e duktisti qui laboras sistemale probas rikonocar, agnoskar ne direte videbla relati inter familiani e forprenar l’eventuala problem-punti per pozar la sistemo di origino di ulu.

Familianaro esas terapiala sesiono dum qua partoprenanto introduktas questiono pri qua lu volas havar klareso. Por la chefa roli en la questiono, ofte familiani di ta qua introduktas la questiono, altra partoprenanti esas selektata kom 'reprezentanto'. La questionanta partoprenanto pozas li en spaco koram altra partoprenanti, partale helpata da la terapiisto.

Tale existas 'pikturo vivanta' qua montras la dop aspekti di la questiono se la reprezentanti esas inquestata pri lia senti ed atitudi relate l'un al altra e la situeso. Lumizesas sufokaji (kelkafoye en plu frua generacioni) qui duktis a stagno en la hodiala vivo di la partoprenanto. Ofte ta sufokaji esas neprocedita senti kom konsequo di desagreabla evento, quale la frua morto di genitoro od infanto, milital experienco e divorco di genitori. Ta neprocedita senti nekonciante povas jenar pose naskint infanti, pro quo li desequilibresas. Per simpla instrukti da la duktisto la reprezentanti movigas la situeso e povas venar tranquileso inter la personi qui reprezentas la reprezentanti. L'efekti di la sesiono ofte esas remarkebla pos kurta tempo, ma ofte pos longa tempo.

La terapio ne esas ne-diskutata.