Flugo-disko

De Wikipedio
Irez ad: pilotado, serchez
Ultimate frisbee, Tartu 2012-06-18.jpg

Flugodisko (Angle: flying disc) esas recenta sporto. Ol naskis ye komenco di la yari 1960ma en skoli di westa rivo di Usa. En komenco esis diversa speci e jenri. L'unesma oficala ludo en ultimate ludesis en 1968. Pluse extremo (ultimate) esas libera stilo (freestyle) e golfo per disko (disc golf).

Unesma partio pri la championkonkurso di Europa en extremo ludesis en 1980 e pri la mondala championkonkurso ludesis en 1983. En 2004 la championkonkurso ludesis en Finlando, an l'urbo Turku.

La ludilodisko (Angle: frisbee) esas lejera (175 g) e kelke kurva disko facita ek plastiko. Ol povas "flugar" kande on jetas ol horizontale. La diametro di la disko esas cirkume 25 cm.

Ludoloko esas fena feldo. Tre bona loko esas futbalo-feldo. Larjeso di ludo-areo esas 3/5 de larjeso di futbalo-feldo. Longeso esas sama kam longeso di futbalo-feldo ma l'areo de 20 metri ed amba fino esas la golo-areo.

Regularo di extremo-ludo:

  • du sep-homala trupi ludas.
  • golo esas aquirita kande ludero povas pasar la flugodisko ad altra ludero di propra trupo til golo-areo.
  • maxim multa golin aquirinta trupo esas vinkanto di ludo.
  • la ludo finas pos 100 minuti o kande un de trupi aquiras kontratita quanto di goli. Ofte la quanto di goli esas c. 17. Se amba trupi havas sama quanto di goli pos 100 minuti, sequanta golo determinos la vinkanto.
  • la flugodiskon on darfas movar nur pasante tra aero.
  • se ludero tenas la flugodisko en lua manuo, la ludero ne darfas kurar o pazar de lua loko.
  • ludero darfas tenar la flugodisko en lua manuo admaxime 10 sekundi.
  • kande l'atakanta trupo avancas vers golo-areo, la defensanta trupo zelas obstruktar olu.
  • atakanta trupo perdas la flugodisko kande paso falias od interruptesas, kande la flugodisko strokesas adsur sulo od olu tushas sulo exter ludo-areo.
  • omna korpala kontakti e tushi esas abnegata.
  • en ludo ne existas ula arbitristo ma ipsa ludanti arbitras dum ludo (kom siori).

Extera ligili[redaktar | redaktar fonto]