Freetown

De Wikipedio
Salti al navigilo Irez a serchilo
Freetown
Freetown.jpg
L'urbo Freetown.
Lando: Flag of Sierra Leone.svg Sierra Leone
Informo:
Latitudo: 8º30' N
Longitudo: 13º07' W
Altitudo: 26 m
Surfaco: 81,48 km²
Habitanti: 1 055 964[1] (2015)
Denseso di habitantaro: 13000 hab./km²
Horala zono: UTC+0
Urbestro: Yvonne Aki-Sawyerr[2]
Mapo:
Mapo di Freetown
Aerala imajo pri Freetown.

Freetown esas la chef-urbo e maxim populizita urbo di Sierra Leone. Ol ank esas importanta portuo che l'Atlantiko. Segun la demografiala kontado di 2015 ol havis 1 055 964 habitanti.[1] Lua tota surfaco esas 81,48 km². L'urbo esas la precipua centro urbala, ekonomiala, financala, kulturala, edukala e politikala de la lando.

La bazo di lua ekonomio esas la portuala agadi. Lua portuo okupas granda parto dil estuario di la fluvio Sierra Leone, qua formacas un ek la maxim larja e profunda naturala portui del mondo.

La habitantaro di Freetown esas etniale diversa. Nula etniala grupo reprezentas plua kam 29% de lua habitantaro totala. Quale en altra regioni de Sierra Leone, la linguo Krio esas la maxim parolata, e la precipua formo di komuniko inter lua habitanti.

Freetown fondesis ye la 11ma di marto 1792 dal Britaniano John Clarkson por esar habiteyo por liberigita sklavi, e nomizesis tale: Freetown signifikas 'libera urbo'en l' Angla.

Referi[redaktar | redaktar fonto]

  1. 1,0 1,1 2015 Population and Housing Census Key Figures Fact Sheet. Statistics Sierra Leone. URL vidita ye la 16ma di agosto 2017.
  2. Sierra Leone capital Freetown elects female mayor, the first since 1980. URL vidita ye la 30ma di aprilo 2018.