Héctor José Cámpora
| Héctor José Cámpora Demaestre | ||
| ||
Prezidanto di  Arjentinia
| ||
| Guvernisteso: | de la 25ma di mayo 1973 til la 13ma di julio 1973 | |
| Precedanto: | Alejandro Agustín Lanusse | |
| Sucedanto: | Raúl Alberto Lastiri | |
| Personal informi | ||
| Naskodato: | 26 di marto 1909 | |
| Naskoloko: | Mercedes, provinco Buenos Aires, Arjentinia | |
| Mortodato: | 19 di decembro 1980, 18 di decembro 1980 | |
| Mortoloko: | México, Mexikia | |
| Spozo: | María Georgina Cecilia Nené Acevedo | |
| Profesiono: | dentisto e politikistulo | |
| Politikala partiso: | Partido Justicialista - PJ | |
Héctor José Cámpora Demaestre, dentisto e politikistulo n. ye la 26 di marto 1909 til la 18ma di decembro 1980, esis prezidanto di Arjentinia de la 25ma di mayo til la 13ma di julio 1973.
Enkarcerigita pro la diktatoreso establisita en 1955 en Arjentinia, Cámpora fugis de la lando en 1957 ed exilis su en Chili. En 1971, Juan Domingo Perón nominis lu kom sua reprezentero en Arjentinia, por riorganizar partiso Justicialista. Cámpora organizis la riveno di Perón ad Arjentinia en 1972, e frustris projeto di Arjentiniana militisti qui kaptis la povo en 1966 pri kontrolar l'elekti di 1973. Pro ke Perón impedesis konkurencar a la prezidanteso, la propra Perón stimulis Cámpora kandidatar su.
Cámpora vinkis l'elekto per 49,5 % ek la voti en 1973, e guvernis la lando dum 49 dii. Dum sua kurta guvernerio, ilu kreis tale nomizita "sociala pakto" inter laboristi ed industriisti, qua posibligis mantenar l'industriala politiko Arjentiniana. Ilu anke proximigis Arjentinia di tale nomizita "triesma mondo", e kreis politiko por l'universitati kun la partopreno di studenti.