Haagana Skolo (piktarto)

De Wikipedio
Jump to navigation Jump to search
In 't Gein bij Abcoude da Willem Roelofs, c.1855-1860

La Haagana Skolo esis movado de simil-pensanta nederlandana piktisti qui laboris inter cirkume 1860 e 1900 en Den Haag, od esis altramaniere asociata kun ta urbo.

La membri renuncis la romantika tradiciono qua meze dil 19ma yarcento dominacis nederlandana piktarto ed idealigis realeso.

La piktisti di la Haagana Skolo, inkluzanta Jozef Israëls, la fratuli Jacob e Willem MarisWillem RoelofsConstant GabriëlHendrik Willem Mesdag ed Anton Mauve, serchis realista vidmaniero.  Remarkinde ica vidmaniero anke probis esar spegulo dil humoro dil artisto.

Li admiris la franca artisti dil Barbizon-Skolo, qui laboris tam multe kam posibla en libera aero.  La temi quin li selektis esis tipale "nederlandana": le polder, riveropeizaji, bovi, mutoni, muelili, peskisti, pesko-navi, ed avan omno: granda nubi.  La reprezento di la lumo e dil atmosfero esis centrala.

Unesme la kolori uzita dal Haagana Skolo esis sat obskura, kun certena emfazo di griza kolori, la motivo pro qua ol anke nomizesis la "griza skolo".  Plu tarde la membri anke influesis dal franca impresionismo: la kolori heleskis e la pinselstroki laxeskis.

Plura yuna piktisti entamis pos 1885 nova, plu modernista direcioni.  Tamen grupo de skolani duris laborar per la sama humoroza, realista stilo til la 20ma yarcento.