Hans Stuifbergen
| Hans Stuifbergen | ||
| ||
| Lando: |  Nederlando
| |
| Naskodato: | 6 di novembro 1961 | |
| Nasko-loko: | Heemskerk, Nederlando | |
Hans Stuifbergen n. 1961 (Heemskerk, Nederlando) e pasis sua yunevo en Castricum. Kande il interesesis pri interlingui, lu divenis komence Esperantisto. Ma il deceptesis pri ca linguo pro lua diskrimino kontre la femina sexuo. En 1991 il Idisteskis. Dum 1995 il divenis la unesma redaktero dil buletino Ido-Saluto. Samayare il anke komencis editar La Kordiego Geyal, revuo pri kulturo, ideologio e sexualeso, di qua plu tarde la titulo modifikesis a La Kordiego.
Il organizis en Ido-konfero 1997 en Bakkum (mun. Castricum). Dum 2001 il transprenis la tasko redaktar Progreso, buletino dil ULI (Uniono por la Linguo Internaciona). Il divenis prezidanto dil aludita ULI en 2004. Ye la yaro 2021 Hans Stuifbergen elektesis kom sekretario dil ULI kune kun la hispaniana Idisto Antonio Martinez.
Hans Stuifbergen esas l'autoro e la tradukero di plura libri. Le maxim famoza ek oli esas: "Parolacho" (libro pri sexuala slango) e la biografio Idala pri la vivo dil poeto Franca Arthur Rimbaud.