Haparanda

De Wikipedio
Salti al navigilo Irez a serchilo
Hotelo en Haparanda

Haparanda (Finlandana: Haaparanta, lit. 'tremulo-litoro o rivo') esas urbo e la sideyo di municipo Haparanda en komtio Norrbotten, Suedia.

Ol esas adjacanta Tornio, Finlando. Haparanda havis habitantaro de 4.856 en 2010, ek municipala totalo de 10.200 habitanti.

Haparanda situesas ye la nordala extremajo del sueda litoro, e fora de granda urbi. Someri ibe esas tre milda por litorala loko tante fore norde, e vintri esas normale ne extreme kolda malgre relativa proximeso al Arktika Cirklo.

Haparanda havas forta konekti kun Tornio e la Finlandana latero dil rivero Torne, e bilingueso en la Sueda e Finlandana esas frequa malgre ke la Sueda esas la sola oficala linguo e la matro-linguo dil granda majoritato del habitanti. En 2010, evaluesis ke 70% del habitanti di Haparanda parolis la Finlandana kom duesma linguo.