Harry Belafonte

De Wikipedio
Harry Belafonte
Belafonte (centre del imajo)
Belafonte (centre del imajo)
Profesiono: cinem-aktoro e kantisto
Lando: Usa
Naskodato: 1 di marto 1927
Nasko-loko: New York, Nova York
Mortodato: 25 di aprilo 2023
Belafonte kun lua 3ma spozino, Pamela.

Harry Belafonte, n. Harold George Belafonte, Jr. ye la 1ma di marto 1927 til la 25ma di aprilo 2023, esis Usana cinem-aktoro, kantisto e politikal aktivisto. Ilu helpis populareskar internacione la muzikala ritmo calypso, exemple per la kansoni "Day-O (The Banana Boat Song)", "Jump in the Line (Shake, Senora)" e "Mary's Boy Child".

Belafonte esis un ek la rara artisti qui ganis premii Emmy, Grammy, Oscar e Tony. Ilu partoprenis cinematografuri, exemple Carmen Jones (1954), Island in the Sun (1957), Odds Against Tomorrow (1959), Buck and the Preacher (1972), e Uptown Saturday Night (1974). Ilua lasta cinematografuro esis BlacKkKlansman, en 2018, direktita da Spike Lee.

Dum ilua kariero, ilu ganis tri premii Grammy ed 1 premio Tony por teatrajo. Politikale, Belafonte opozis, inter altri, Usan embargo kontre Kuba e l'administrado da George W. Bush, helpis organizar l'albumo We Are The World por kolektar pekunio por kombatar famino en Afrika, e suportis la marcho por Civila Yuri en 1963, kampanii kontre AIDS in Sudafrika en 2001, e la politikala kampanii di Barack Obama e Bernie Sanders en Usa.