Homo erectus

De Wikipedio
Irez a navigado Irez a serchilo
Rikonstruktita skeleto de Homo erectus.
Mapo montras loki ube trovesis fosili del Homo erectus.

Homo erectus (signifikanta "rekta homo") esas arkaika speco di homo qua vivis dum granda parto dil pleistoceno. La maxim anciena fosila restaji dil Homo erectus deskovresis en Dmanisi, Gruzia (evanta 1,8 milion yari ante nun), Hubei, Popul-Republiko Chinia (2,15 milion yari ante nun) ed Yuanmou, Popul-Republiko Chinia (1,7 milion yari ante nun).

Osti de Homo erectus trovesis da Nederlandan explorero Eugène Dubois unesmafoye en 1891 (parto de kranio) ed en 1892 (femuro) che insulo Java, de la fino di Plioceno o komenco di Pleistoceno. Eugène Dubois nomizis ol "Homo de Java" (antee Pithecanthropus erectus). Komence on kredis ke ca fosili ne apartenis a homala speco, ma en 1927 Kanadana antropologiisto Davidson Black trovis osti che kaverno Zhoukoudian, proxim Beijing di homala speco quan ilu nomizis Sinanthropus pekinensis (Homo de Peking). En 1950, pro la similesi inter ca specimeni, Usana biologiisto Ernst Mayr konkluzis ke li apartenis a la sama speco, quan ilu nomizis Homo erectus. Altra restaji montris ke li habitis Afrika e mem sudal Europa.

Mulieri e viri Homo erectus posible havis la sama staturo, qua variis de 146 til 185 centimetri. Ne esas posibla savar se li havis kapableso por parolar. Esas posibla ke la Homo erectus ne exakte extingesis, nam multa ek lua karakterizivi ank existas en hominidi qui vivis pose, exemple Homo heidelbergensis, e mem en nuna Homo sapiens.