Homo habilis

De Wikipedio
Rikonstruktita kranio di Homo habilis.

Homo habilis (Latine por "habila homo") esis arkaika homala speco de la komenco di Pleistoceno. Ol habitis l'esto e sudo di Afrika de 2,3 til 1,65 milion yari ante nun. Deskriptita unesmafoye en 1964, H. habilis unesmafoye judikesis kom varianto di Australopithecus africanus, ma dum la yari 1980a, pos ke plusa specimeni deskovrabis, ol komencis judikesar kom ancenstro di Homo erectus, do ank ancestro di Homo sapiens.

La volumino cerebrala di Homo habilis variis de 500cm³ til 900 cm³. Lua korpala proporcioni nur konocesas per du skeleti multe fragmentita. Komence, on kredis ke lua anatomio semblis olta dil Australopithecus, ma pose konkluzesis ke li esas kapabla pri uzar petra utensili.

La maxim multa restaji pri Homo habilis trovesis en Koobi Fora, Kenia, ed en Olduvai, Tanzania.