In partibus infidelium
In partibus infidelium (ofte abreviita kom in partibus o mem nur i.p.i.) esas Latina dicajo uzita en la Katolik Eklezio e vortope signifikanta «en la parti dil nefideli», t.e. «en la mondo-parti (landi, regioni, edc) okupata dal nefideli (t.e. nekristani)». Ica expresuro, ordinare uzata kom adjektivo, indikis ke la koncernata diocezo od episkopala sideyo situesis en regioni ube Kristanismo desaparabis konseque de invadi dal *Saraseni (Mohamedani). Sen esar oficale supresita, la diocezo ne plus existis kom lokala Kristana *komunitato.
La dicajo obsoleskis: per sua letro In suprema, ye la 10ma di junio 1882, papo Leo la 13ma decidis ke ica diocezi in partibus infidelium de lore nomesos tituliera sideyi.
Figurale, e mem jokoze, la expresuro kelkafoye uzesas por qualifikar ulu qua trovesas en loko reale, expekteble od imagineble desfavoroza, pro la prezenteso di reala o supozata enemiki, adversi, antagonisti, edc. Yen, exemple, komento pri Ido-seminaro en KCE (Kultura Centro Esperantista), en La-Chaux-de-Fonds, Suisia, 1981:
|
Yen, vortope segun la raporto da Bol, la partikulara temi e rezumo di singla leciono di ca historiala Ido-evento in partibus infidelium:[1] | 
|
Noti e referi[redaktar | redaktar fonto]
- ↑ Gonçalo Neves: «Foliumante nova cienco». En La blua plumo, 2019-03-25