Insulo Prince Edward

Insulo Prince Edward Provinco di Kanada Chefurbo Charlottetown Surfaco 5 660 km² Habitanti Denseso di habitantaro 159 625 (2020) 25,25 hab./km² Guberniestro Antoinette Perry Horala zono UTC-4:00

L'Insulo Prince Edward (Angle Prince Edward Island) esas la min granda provinco di Kanada. Segun statistiki de 2020, ol havis 159 625 habitanti. Lua tota surfaco esas 5 660 km². Ol esas insulo jacanta an la gulfo Sant-Lawrence. Lua chef-urbo esas Charlottetown, qua havas 137 900 habitanti.

La bazo di lua ekonomio esas precipue terpomo-kultivado. Cirkume 25% ek la terpomi produktata en Kanada originas del insulo.

Recente, ponto konstruktesis por irar a P.E.I. de New Brunswick, e on ne devas uzar batelo por irar a kontimento.

historio

En 1534, Jacques Cartier divenis l'unesma Europano qua vidis l'insulo. En 1604, Francia keis la kolono Akadia, qua inkluzis l'insulo, lor nomizita Île Saint-Jean.

Dum la 18ma yarcento eventis multa konflikti inter Francia e Britania, e multa batalii eventis en l'insulo. En 1767, Samuel Holland dividis l'insulo en 67 parti, grantita a militarala oficisti ed altri a qua la guvernado di Britania debis favori per lotrio. La plu multa de ca ganinti ne utiligis sua grantaji, quo impedis ti qui deziris establisar farmeyi. Malgre demarshi di la guvernado obtenar kelka de ca tereni por vendo a farmisti, la problemo di absenta ter-proprietanti duris esar la precipua politikal afero dil insulo til lua uniono kun Kanada, en 1873.