Internaciona renkontro 2004

De Wikipedio

Inter 22ma e 24ma mayo 2004 eventis Internaciona Ido-renkontro en Bagnoles-de-l'Orne, nordwesta Francia. Partoprenis idisti de quar landi.

La precipua motivo por la renkontro esis la fondo dil "Asociuro Ido-France". La Franca Idisti, de qui Jean Martignon e Loic Landais esis reprezentita dum la renkontro, decidis provizore kunlaborar kun l'Ido-Societo Hispana, pro strukturala motivi.

Anke parolesis en Bagnoles de l'Orne, pri la formo di la Linguala Komitato. Es dezirata ke la Linguala Komitato ampligesez, quale ja propozita da la prezidanto di ULI, e suportata da diversa membri di la Direktanta Komitato. La maxim granda plendo pri la prezenta formo di la Linguala Komitato, es ke es tro multa laboro por un persono e ke helpo ofresez da sis (6) Linguala Komitatani di la reprezentata sis (6) GAFHIR-lingui (un linguo havez un reprezentero). Ti qui savas multe de lia nacionala linguo, povas helpar la Linguala Komitatano di sua linguo, per kontributar l' equivalanto di certena vorto, che la forumo di sua linguo (ex-e.: Ido-Español, Ido-Italiana, Francidol, Ido-Angla, Germanlinguaidist, edc.).

Esos studiata ka ta ampligo es konforme la statuti di ULI, e diskutata inter la membri di la Direktanta Komitato ipsa. Ma on lektas, ke la kunveno en Bagnoles de l'Orne, ultre plezanta ed agreabla, anke esis tre fruktoza.

Extera ligilo[redaktar | redaktar fonto]