Jamal Kashogji
| Jamal Amad Kashogji | ||
.jpg) | ||
| Profesiono: | jurnalisto | |
| Lando: |  Saudi-Arabia
| |
| Naskodato: | 13 di oktobro 1958 | |
| Nasko-loko: | Medina | |
| Mortodato: | 2 di oktobro 2018 | |
| Morto-loko: | Istanbul | |
| Retoloko: | https://jamalkhashoggi.com/ | |
Jamal Amad Kashogji (en l'Arabiana: جمال أحمد خاشقجي, pron. jamal-kashog-ji)) (Medina, ca.[1] 13ma di oktobro 1958 – Istanbul, 2ma di oktobro 2018) esis Saudi-Arabiana jurnalisto e kolumnisto por la Washington Post.
Jamal Amad Kashogji desaparis ye la 2ma di oktobro 2018 pos enirar la Saudi-Arabiana konsuleyo en Istanbul. Ilua desaparo - e posa konfirmo di ilua morto - duktis a internaciona indigneso e diplomacala destranquileso. Pose semblis ke il ocidesis da Saudi-Arabiana ocido-grupo. La Saudi-Arabiana kron-princo Mohamad bin Salman al-Saud agnoskis sua kunresponsebleso por l'ocido.[1]
Kashogji anke esis politikala komentero por diversa komunikili, inter qui MBC, BBC, Al-Jazira e Dubay TV. Inter 2012 e 2026 ilua kolumni freque publikigesis da Al-Arabiya.
En 2016 la Saudi-Arabian autoritati interdiktis a Kashogji publikigar ed aparar ye la televiziono pro kritiko pri l'Usana prezidinto Donald Trump. En mayo 2018 Kashogji kritikis l'aresto di Lujayn al Hatlul.
Kashogji anke esis kritikema pri la guvernerio en Saudi-Arabia e pri kron-princo Mohamad bin Salman. Il aparis en parolo-spektakli ed enuncis sua komento pri la politiko exterlandal, pri l'interveno en Yemen, e la reakto di la guvernerio kontre homi kun altra opiniono. Kashogji fugis de Saudi-Arabia pos ke il exilesis de sociala komunikilaro, precipue Twitter.
Kashogji egorjesis en la konsuleyo.
- ↑ Saoedische kroonprins: 'Ik ben ook verantwoordelijk voor dood Khashoggi', https://www.rtlnieuws.nl/nieuws/buitenland/artikel/4862356/mohammed-salman-kroonprins-jamal-khashoggi.