Jules Houillon
Jules Houillon (? - Charmois, 4ma di januaro 1952) esis franca idisto ed Ido-skriptero.
Kun altra franca idisti il riorganizis la Uniono Katolik Idista, vekigis la Grupo Sacerdotala, ed editis propraspense la 29 broshuri di la Biblioteko Katolik Idista, a qui adjuntesis 10 altra broshuri tip-imprimita e 37 poligrafita.
Ni debas a lua plumo 18 verki:
- Polyeuktos, la famoza Kristana tragedio da P. Corneiile, olqua esas lua maestro-verko
- Quar rakonti da Guy de Maupassant
- Kelka poemi franca
- Kolekturo de rakonti da le Grimm
- Quaradek fabli
- Ido-peceti
- Lo maxim necesa
- Me kredas en Deo (2 kayeri)
- Nonni e Manni
- Progresi dil misioni katolika
- La fenomeni di Konnersreuth
- Vivo di nia sinioro Jesu Kristo
- Biblala lektaji (5 kayeri).
Lor la Ido-konfero 1926 en Praha, kanoniko Houillon predikis per Ido en la kirko dil Krucani, pri la interamo Kristana e l'efikiveso di nia helpo-linguo por unionar la tota homaro en universal interamo.
Extera ligili
[redaktar | redaktar fonto]- https://web.archive.org/web/20081121211440/http://www.elektronala-idorevueyo.net/Progreso/progreso166.pdf Progreso 166 (1952) kontenas nekrologo pri Jules Houillon
- http://www.ido-vivo.info Generala Ido-Libreyo disponas plura verki da Jules Houillon