Lecce

De Wikipedio
Salti al navigilo Irez a serchilo
DIversa imaji di Lecce

Lecce (Salentino: Lècce; Griko: Luppìu; Latina: Lupiae) esas historial urbo de 95.766 habitanti (en 2015) en sudal Italia, la chefurbo dil provinco Lecce, ultre un ek la maxim importanta urbi di Apulia.

Ol esas la precipua urbo dil peninsulo Salento, sub-peninsulo ye la talono del Italiana Peninsulo qua evas plua kam 2000 yari.

Pro la richa Baroka arkitektural monumenti en l'urbo, Lecce havas la surnomo "La Firenze dil Sudo". L'urbo anke havas longa tradicional afineso kun greka kulturo depos sua fondeso; la Mesapiani qui fondis l'urbo esis Kretani segun greka arkivi. Til hodie, en la Grecìa Salentina, grupo de urbi ne fora de Lecce, la linguo griko ankore parolesas.

Pri industrio, la "Lecce-petro" - sorto de kalkopetro - esas un ek la precipua exportacaji dil urbo, pro ke ol esas tre mola e flexebla, do apta por skulturi. Lecce esas anke importanta agrokultivala centro, chefe por produkto di oliv-oleo e vino, ultre industriala centro por produkto di ceramiko.