Liverpool

De Wikipedio
Liverpool
Kelk imaji pri Liverpool.
Blazono
Lando: Unionita Rejio
Regiono: Anglia
Informo:
Latitudo: 53º24' N
Longitudo: 2º59' W
Altitudo: 70 m
Surfaco: 111,84 km²
Habitanti: 491 500 (2017)
Denseso di habitantaro: 4395 hab./km²
Horala zono: UTC+0
Urbestro: Joe Anderson
Mapo di Liverpool
Oficala retosituo:
http://www.liverpool.gov.uk
Centro di Liverpool dum la nokto.

Liverpool esas urbo an la nord-westo di Anglia. Segun statistiki dil yaro 2017 ol havis 491 500 habitanti. Lua tota surfaco esas 111,84 km². Lua metropolala regiono esas la 5ma maxim populizita del Unionita Rejio, havanta cirkume 2,24 milion habitanti en 2011.

Liverpool jacas an l'estala rivo dil estuario dil fluvio Mersey, an la sud-westo dil komtio Lancashire. Ol divenis burgo en 1207, ed urbo en 1880. Ol kreskis kom portuala urbo paralele a la developo dil Industriala Revoluciono.

La populareso dil grupo The Beatles kontributis por developar lua turistala stando.

Historio[redaktar | redaktar fonto]

Liverpool en 1680.

Patento-letro dal rejulo John di Anglia anuncis la kreo dil burgo di Liverpool en 1207. Cirkume la duimo dil 16ma yarcento lua habitantaro esis nur 500 personi.

Dum la 17ma yarcento eventis kombati kun skopo di kontrolar la urbo dum l'interna milito di Anglia, inkluzinte 8-dia siejo en 1844. Akto dil Parlamento di Anglia transformis la burgo en komono en 1699, la sama yaro en ke la navo por transportar sklavi Liverpool Merchant sendesis ad Afrika.

De l'epoko Romana, la vicina urbo Chester, apud la fluvio Dee, esabis la precipua portuo Angla che la Maro di Irlando. Tamen, la sedimenti transportita dal Dee gradope komencis slamizar la portuo di Chester, e Liverpool divenis plu bona portuo. La habitantaro komencis kreskar rapide, samatempe kam la komerco kun Westal Indii augmentis. L'unesma doko por reparar navi konstruktesis en 1715.

Speke Hall, un ek la maxim anciena domi dil urbo.
Castle Street, kun urbestr-domo centre de la imajo.
Superlambananas, 2010