Lucrezia Borgia

De Wikipedio
Jump to navigation Jump to search
Lucrezia Borgia

Lucrezia Borgia (18ma di aprilo 1480 - 24ma di junio 1519) esis la filiino di la Papo Alexander la 6ma e Vannozza dei Cattanei.  Elua fratuli inkluzas Cesare BorgiaGiovanni BorgiaGioffre Borgia.

Elua familio aranjis plura mariaji por el qui avancis sua politikala stando, inkluzanta Giovanni Sforza (Sinioro di Pesaro), Alfonso di Aragon (Duko di Bisceglie) ed Alfonso I d'Este (Duko di Ferrara).  Segun legendo, Alfonso di Aragon esis bastarda filiulo di la Rejo di Napoli ed elua fratulo Cesare forsan aranjis asasino di ilu pos diminuto di lua politikala valoro.

Rumori pri el ed elua familio piktas Lucrezia kom femme fatale, rolo per quo el reprezentesis en multa artoverki, romani e filmi.

Frua vivo[redaktar | redaktar fonto]

Lucrezia Borgia naskis en Subiaco, proxim Roma.  Elua matro esis Vannozza dei Cattanei, amoratino dil patro di Lucrezia, Rodrigo Borgia (Papo Alexandro VI).

Mariaji[redaktar | redaktar fonto]

  • Lucrezia mariajesis kun Giovanni Sforza ye 12ma junio 1493 en Roma.
  • El mariajesis kun Alfonso d'Aragon (Duko di Bisceglie) en 1498.
  • El mariajesis kun Alfonso I d'Este, Duko di Ferrara, en 1502 en Ferrara.

Aspekto[redaktar | redaktar fonto]

Segun deskripti el havis blonda hararo qua decensis til elua genui, bela karnaciono, avelanea okuli qui chanjis koloro, ampla, alta mami, e naturala gracio per quo ol semble "marchis sur aero".  Ica fizikala traiti alte apreciesis en Italia dum ta periodo.  Segun altra deskripto "elua boko esas kelke granda, elua denti brilante blanka, elua kolo esas gracila, e la mami di admirinda proporcioni".

Pikturo, Portreto di Yuno da Dosso Dossi che la Nacionala Galerio di Victoria, identifikesis kom di Lucrezia en novembro 2008.  Ica pikturo esas forsan la sola transvivanta portreto di Lucrezia Borgia; tamen, uli dubitas lo.

Rumori[redaktar | redaktar fonto]

Plula rumori persistas tra la yari, precipue spekulanta pri la naturo dil extravaganta partii aranjita da la familio Borgia.  Multa koncernas alegi di incesto, venenizo, ed ocido da elu; tamen, esas nula historiala fundamento di ca rumori.

  • Esas rumoro ke Lucrezia posedis kava ringo quon el uzis por venenizar drinkaji.
  • Frua 20ma-yarcenta pikturo da Frank Cadogan Cowper che la arto-galerio Tate Britain en London, montras Lucrezia supleanta sua patro, Papo Alexandro VI, che oficala kunveno che la Vatikano.

Filii[redaktar | redaktar fonto]

Lucrezia genitis plura filii:

  • Rodrigo di Aragon (1ma di novembro 1499 - agosto 1512).
  • Naske-mortinta filiino (1502).
  • Alessandro d'Este (1507).
  • Ercole II d'Este, Duko di Ferrara (5ma di aprilo 1508 - 3ma di oktobro 1559).
  • Ippolito II d'Este (25ma di agosto 1509 - 1ma di decembro 1572).
  • Alessandro d'Este (1514 -1516).
  • Leonora d'Este (3ma di julio 1515 - 15ma di julio 1575).
  • Francesco d'Este, Markezino di Massalombarda (1ma di novembro 1516 - 2ma di februaro 1578).
  • Isabella Maria d'Este (naskis e mortis 14ma di junio 1519).  Duktis a la morto di Lucrezia dek dii pose.