Maseru

De Wikipedio
Jump to navigation Jump to search
Maseru
KingswayMaseru.jpg
Kingsway, precipua strado di Maseru.
Lando: Flag of Lesotho.svg Lesoto
Informo:
Latitudo: 29º31' S
Longitudo: 27º 29' W
Altitudo: 1.600 m
Surfaco: 138 km²
Habitanti: 227.880 (2006)
Denseso di habitantaro: 1.651,3 hab./km²
Horala zono: UTC+2
Mapo:
Mapo di Maseru
Maseru vidita de la kolino Parliament Hill.

Maseru esas la chef-urbo e maxim populizita urbo di Lesoto. Ol jacas direte an la bordero kun Sudafrika. Segun statistiki de 2006, ol havis 227 880 habitanti. Entote ol havas 138 km².

Fondita da Moshesh, chefo dil populo Basuto, ol divenis chef-urbo en 1869, kande l'Unionita Rejio establisis protektorato en Lesoto. Kande la lando recevis nedependo, Maseru restis lua chef-urbo. Ante la nedependo, l'urbo restis mikra, ma pos 1966 ol kreskis rapide, de antee 20 km² til la nuna surfaco, cirkume 138 km².

Ferovoyo ligas Maseru al urbo Marseilles, en la Libera Stato, Sudafrika. La maxim proxima Sudafrikana urbo esas Ladybrand, an l'altra rivo dil fluvio Caledon, o Mohokare. L'Universitato Nacionala di Lesoto jacas en Maseru.

Geografio[redaktar | redaktar fonto]

Estala quarteri di Maseru.

La reliefo di Maseru esas plana, jacante 1.600 metri super la marala nivelo. La fluvio Mohokare, o Caledon, separas Maseru de Sudafrika. La du landi ligesas per ponto.

La klimato di Maseru esas subtropikala kun influo dil altitudo (Cwb segun la klimatala klasifikuro di Köppen). La mezavalora temperaturo de decembro til marto (somero) esas 22°C, dum ke la mezavalora temperaturo de junio til septembro (vintro) esas 9°C. La maxim varma monato esas januaro, kande la temperaturi povas atingar 33°C.

La mezavalora yarala pluvozeso esas 691 mm, e la maxim pluvoza monato esas januaro, kun mezavalore 114 mm. La sika sezono iras de mayo til septembro, kande la monatala pluvozeso esas infre 30 mm o mem infre 20 mm.