Mazda

De Wikipedio
Jump to navigation Jump to search
Sideyo di Mazda en Fuchū.

Mazda (Japoniane: マツダ株式会社 , Matsuda Kabushiki-gaisha) esas plurnaciona automobila fabrikanto kun sideyo en Fuchū, Japonia. En 2015 la kompanio produktis cirkume 1,5 milion vehili, di qui preske 1 miliono produktesis che lua fabrikerii en Japonia, esante la 15ma maxim granda automobilala kompanio segun produktado mondala ta yaro.

Historio[redaktar | redaktar fonto]

Mazda-Go, l'unesma vehilo da Mazda.

Mazda fondesis ye la 30ma di januaro 1920, kun la nomo Toyo Cork Kogyo Co., Ltd, en Hiroshima. En 1931 ol cesis la produktado di utensilomashini, por produktar vehili, esante l'unesma modelo nomizita Mazda-Go, hibrido de motorciklo e kamioneto. Dum la duesma mondomilito, Toyo Kogyo produktis armi por Japonian armeo, note la fusilo Tipo 99.

Dum la yari 1960ma, inspirita en la Germana automobilo NSU Ro 80 e diferante de altra Japoniana fabrikanti, la kompanio decidis produktar automobili qui uzis la motoro Wankel. L'unesma modelo esis Mazda Cosmo Sport, de 1967. Pro ta esforco, la kompanio komencis divenir mondale konocita, ed exportacis lua vehili, sive kun motori Wankel, sive kun pistona motori.