Mbabane

De Wikipedio
Jump to navigation Jump to search
Mbabane
Mbabane.jpg
Strado en Mbabane.
Lando: Flag of Eswatini.svg Eswatini
Informo:
Fondita ye: 1902
Latitudo: 23º19' S
Longitudo: 31º08' E
Altitudo: 1 243 m
Surfaco: 150 km²
Habitanti: 94 874 (2010)
Denseso di habitantaro: 630 hab./km²
Horala zono: UTC+2
• Mbabane
Oficala retosituo:
www.mbabane.org.sz

Mbabane esas la chef-urbo e maxim populizita urbo di Eswatini. Ol jacas apud la samnoma rivero, ed esas la komercala centro di lua regiono.

Historio[redaktar | redaktar fonto]

Mbabane fondesis en 1887 da Mickey Wells, an la loko ube la choseo Transvaal-Mozambik trairis la rivero Mbabane. L'urbo kreskis pos ke l'administrala centro di la lando diplasesis de Bremersdorp al urbo en 1902.

Ante la duesma mondomilito la maxim multa habitanti di Eswatini habitis rurala distrikti e laboris exter la lando. To preventis la kresko di Mbabane. Pos la milito, la konstrukto di skoli, l'inauguro di la ferovoyo qua ligas Eswatini a Maputo e a la mineyi di Sudafrika ed extera koloko en lokala agadi, exemple la produktado di sukrokano, stimulis la kresko dil urbo.

Geografio[redaktar | redaktar fonto]

Mbabane vidita de vicina kolini.

La reliefo di Mbabane esas partale kolinoza, kun mezavalora altitudo di 1243 metri super la marala nivelo. Ol jacas inter la riveri Mbabane e Polinjani, apud la monti Mdimba.

La klimato dil urbo esas subtropikala, kun influo dil altitudo (Cwb segun la klimatala klasifikuro da Köppen). La mezavalora temperaturo en januaro (somero) esas 22°C, kontre ke la mezavalora temperaturo en julio (vintro) esas 11°C. L'urbo havas milda klimato, e nivo falis nur 3 foyi depos 1900.[1]

La mezavalora yarala pluvo-quanto esas 1441,7 mm. La pluvoza sezono duras de oktobro til marto. Januaro esas la maxim pluvoza monato, kun mezavalore 253,2 mm.

Transporto[redaktar | redaktar fonto]

L'aeroportuo maxim proxima esas l'internaciona aeroportuo Manzini. Frequa flugi ligas Mbabane a Johannesburg. Mikr-autobusi ligas Maputo e Manzini a Mbabane, ed altri ligas ol a Johannesburg e Durban.

Referi[redaktar | redaktar fonto]

  1. Mbabane. Swaziland Tourist Board. URL vidita ye la 7ma di marto 2018.