Monte Rio

De Wikipedio
Salti al navigilo Irez a serchilo
Strado en Monte Rio

Monte Rio esas mikra urbo en komtio Sonoma, Kalifornia.

Ol jacas alonge la Russian-Rivero, proxim la Pacifika Oceano.

L'urbo Guerneville situesas nordeste de Monte Rio, e l'urbo Jenner jacas weste.

La habitantaro esis 1.152 en 2010, kreskinta de 1.104 en 2000.

La famoza retreteyo Bohemian-Bosko situesas en Monte Rio.

Historio[redaktar | redaktar fonto]

De la 1870a yari, Monte Rio esis halteyo en la fervoyo North Pacific Coast Railroad qua konektis Cazadero kun Sausalito, Kalifornia.  Sequoyo-ligno de lokala sego-fabrikerii kargesis por konstruktar San Francisco.  Plu tarde, l'urbo konocesis kom "Vacation Wonderland" kun treni qui transportis San Francisco-ani a somero-kabani e mem sep-etaja hotelo.

La treni ne plus servas, e l'urbo nun habitesas precipue da plen-yara rezidanti. Malgre intensa forest-explotado dum la duesma duimo del 19ma yarcento, la Sonoma Lumber Company prezervis 65-hektara bosko de anciena sequoyi, qua vendesis a la Bohemian Club di San Francisco en 1899.  La klubo kompris dozeni de altra parceli en l'areo, e nun proprietas 1.098 hektari, quin ol uzas por sua somero-retreti.