Monterey, Kalifornia

De Wikipedio
Salti al navigilo Irez a serchilo
L'aquario en Monterey-Bayo

Monterey (Hispana: Monterrey; Ohlone: Aacistak) esas urbo situita en komtio Monterey an Monterey-Bayo en Kalifornia, Usa.

Fondita ye 3 junio 1770, ol esis la chefurbo di Alta California sub e Hispania e Mexikia. Dum ta periodo, Monterey havis l'unesma teatro, publika edifico, biblioteko, publika skolo, imprimomashino, e jurnalo en Kalifornia. Ol esis olim la sola eniro-portuo por omna impostebla vari en Kalifornia.

La portuo

En 1846 dum la Mexikiana-Usana Milito, l'usana flago levesis super la doganeyo. Pos ke Kalifornia cedesis ad Usa pos la milito, l'unesma konstitucala konfero di Kalifornia eventis en Monterey en 1849.

L'urbo okupas areo de 21,93 km2 e l'urbodomo esas ye 8 metri super la maro-nivelo. En 2010 la habitantaro esis 27.810.

Monterey e la cirkondanta areo atraktis artisti depos la tarda 19ma yarcento e multa celebrata piktisti e skribisti lojis ibe. Til la 1950a yari, esis ibe abundanta peskerio.

Inter la nuntempal atraktivi di Monterey esas l'Aquario di Monterey-Bayo, Cannery Row, Fisherman's Wharf, la muziko- ed arti-festivalo California Roots, e la yarala Jazo-Festivalo di Monterey.