Montreux

De Wikipedio
Salti al navigilo Irez a serchilo
Montreux vidata de Lago Léman

Montreux esas municipo en la distrikto Riviera-Pays-d'Enhaut en la kantono Vaud en Suisia.

Ol situesas an Lago Léman ye la bazo dil Alpi e havas habitantaro, en decembro 2015, di 26.433, e preske 90.000 en la cirkumajo dil urbo.

Historio[redaktar | redaktar fonto]

La maxim frua kolonio esis vilajo dum la Tarda Bronz-Epoko en Baugy. Montreux jacas an la nordesta rivo di Lago Léman ye forko en la Romana strado de Italia trans la Simplon-defileo, ube la stradi al anciena Romana chefurbo Aventicum e la strado aden Galia tra Besançon divergis. Pro to ol esus importanta kolonio en la Romana epoko. Romana villa de la 2ma-4ma yarcenti e tombeyo de la 6ma-7ma yarcenti deskovresis.

En la 12ma yarcento, vit-kultivo enduktesis aden la regiono, e la sunoza inklini di la lago de Lavaux a Montreux divenis importanta vinifo-regiono. Montreux unesme mencionesis en 1215 kom Mustruel.

Geografio[redaktar | redaktar fonto]

Lago Léman de Montreux

Montreux havas areo, en 2009, di 33,4 km2. Ek ico, 8,47 km2 o 25,4% uzesas por agrokultivo, e 16,93 km2 o 50,7% esas foresti. Ek la cetera lando, 6,37 km2 o 19,1% esas konstruktita (edifici o stradi), 0,08 km2 o 0,2% esas sive riveri sive lagi, 1,59 km2 o 4,8% esas neproduktiva.

Ek la konstruktita areo, domi ed edifici esas 10,9%, transport-substrukturo esas 6,3%. Ek la foresto-lando, 47,0% del tota areo esas parforesta e 3,1% esas fruktarboreyi od arborareti. Ek la agrokultivo-lando, 0,4% uzesas por kultivo e 8,8% esas pastureyi, e 1,6% uzesas por fruktarboreyi o viteyi e 14,7% por alpi.

La municipo esis parto dil distrikto Vevey til olua dissolveso ye 31ma agosto 2006, lore Montreux divenis parto dil nova distrikto Riviera-Pays-d'Enhaut.

La municipo kovras areo de Lago Léman a la bazo dil suisa Alpi (Rochers-de-Naye). Ol inkluzas la olima municipi Montreux-Les Planches (til 1952 Les Planches) e Montreux-Le Châtelard (til 1952 Le Châtelard). Ol formacesis en 1962 per la uniono dil du ex-municipi.

Kulturo[redaktar | redaktar fonto]

Montreux esis refujeyo por Catherine Barkley e Lt. Frederic Henry en la romano da Ernest Hemingway, A Farewell to Arms.

Montreux esas la hosto di plura remarkinda festivali: