Motown

De Wikipedio
Irez ad: pilotado, serchez
Simbolo di Motown

Motown esas usana muzikdisko-kompanio.  La kompanio fondesis da Berry Gordy Jr. kom Tamla Records ye januaro 12ma 1958, ed esis korporacionigata kom Motown Record Corporation ye aprilo 14ma 1960, en DetroitMichigan.  La nomo, kompozuro dil angla "motor" (motoro) e "town" (urbo), anke divenis alternativa nomo di Detroit.

Motown pleis importanta rolo en la rasala integrigo di populara muziko, kom afrikan-usana kompanio qua atingis signifikanta suceso exter la afrikan-usana komuneso.  Dum la 1960a yari, Motown e lua filiala etiketi (inkluzanta Tamla Motown, la etiketo uzita exter Usa) esis la maxim sucesoza propaganti dil Motown-Sono, stilo de "soul"-muziko kun distinta "pop"-influeso.  Dum la 1960a yari, Motown atingis spektaklatra suceso malgre sua mikreso: 79 diski en la Supra Dek dil Billboard Hot 100-rango inter 1960 e 1969.

Hitsville USA, chefkontoro di Motown de 1959 til 1968

Pos la eventi dil Detroit-Sedicii di 1967, ultre la perdo dil kansonifisti Eddie HollandLamont Dozier, e Brian Holland, Gordy movis Motown a Los Angeles en 1972, ed ibe ol restis nedependanta kompanio til junio 28ma 1988.  Ta-date Gordy livis la muzik-industrio, atraktita aden la Hollywood-vivstilo pos facar du filmi.  La kompanio lore vendesis a MCA.  Motown vendesis a PolyGram en 1994, ed itere a la sucedanta kompanio di MCA, Universal Music Group, kande ta aquiris PolyGram en 1999.

Motown enduktis multa granda steli, ek qui Diana Ross (e Le Supremes), Michael Jackson (e la Jackson 5), Stevie WonderMarvin GayeSmokey Robinson (e Le Miracles), Le Four Tops, Le TemptationsMartha e le Vandellas e Lionel Richie juis la maxim granda famo, anke en Europa.  Anke Gladys Knight e le Pips, Edwin Starr e Le Isley Brothers, qui anke esabis sucesoza che altra kompanii, profitis dum sua Motown-periodo la posiblesi quin ica kompanio ofris ye kansonifo, disko-produkto e propago.

Motown dum la 2000a yari esis parto di Universal Music kom Universal Motown e Universal Motown Republic Group, kun chefkontoro en Nov-York-urbo.  De 2011 til 2014, Motown esis parto di Island Def Jam Music Group.  Ye aprilo 1ma 2014, Universal Music Group anuncis la dissolvo di Island Def Jam; pose Motown retromovis a Los Angeles sub Capitol Music Group.  Olua kontoro esas nun en la famoza Capitol-Turmo.

Dum multa yardeki, Motown esis la maxim profitoza afrikan-usana komerco en Usa.