Novosibirsk

De Wikipedio
Jump to navigation Jump to search
Novosibirsk
NSK Montage 2017.png
Kelk imaji pri Novosibirsk.
Flag of Novosibirsk.svg Coat of Arms of Novosibirsk.svg
Flago di Novosibirsk Blazono di Novosibirsk
Lando: Flag of Russia.svg Rusia
Informo:
Latitudo: 55°03' N
Longitudo: 82°57' E
Altitudo: 150 m
Surfaco: 505,62 km²
Habitanti: 1 602 915 (2017)
Denseso di habitantaro: 3170,2 hab./km²
Horala zono: UTC+7
Mapo:
Mapo di Novosibirsk

Novosibirsk
Staciono di Transsiberia fervoyo en Novosibirsk.

Novosibirsk esas la 3ma maxim populizita urbo di Rusia pos Moskva e Sankt Peterburg, e la maxim populizita di Siberia. Segun statistiki de 2017, ol havis 1 602 915 habitanti. Entote ol havas 505,62 km².

Novosibirsk esas l'administrala centro di la federala distrikto di Siberia e dil oblast di Novosibirsk. L'urbo extensas sur l'amba rivi dil fluvio Ob, proxim granda rezervuyo aquala qua furnisas elektro al rubo e a la vicina regioni.

Lua precipua industrii eass metalifado e mashino-fabrikado. L'urbo ank esas importanta centro por transporto di komercaji.

Historio[redaktar | redaktar fonto]

Novonikolayevsk en 1895.

L'urbo fondesis 1893[1] kom la futura sito di ponto che la Transsiberia fervoyo por transirar la fluvio Ob. Unesme ol nomizesis Novonikolayevsk, honore ambe Santa Nikolaus e la caro Nikolai la 2ma di Rusia. La ponto kompleteskis en 1897, e l'urbo divenis lokala centro por transporto. L'importo dil urbo augmentis kande ferovoyo de Turkestan a Siberia kompleteskis dum la 20ma yarcento.[2]

Kande la ponto kompleteskis, Novosibirsk havis 7.800 habitanti. En 1907 ja esis 47 mil personi.

Geografio[redaktar | redaktar fonto]

La ponto Bugrinsk, super la fluvio Ob.

La reliefo di Novosibirsk esas plana, jacante an la granda planajo di Siberia, okupante amba rivi dil fluvio Ob. Sude del urbo jacas la platajo Priobskoye. La maxim alta punto jacas metri super la marala nivelo.

La klimato dil urbo esas humida kontinentala (Dfb segun la klimatala klasifikuro di Köppen), la dominacanta klimato di Siberia, kun limpida cielo e konjelanta venti dum la vintro. La mezavalora temperaturo en januaro (vintro) esas -16,5°C ma povas falar til -30°C e mem -35°C, dum ke la mezavalora temperaturo en julio (somero) esas 19,4°C e povas superirar 35°C dum kelka dii.

La mezavalora yarala pluvozeso esas 460 mm, e la maxim pluvoza monato esas julio, kun mezavalore 66 mm.

Transporto[redaktar | redaktar fonto]

Tramveturo di Novosibirsk

L'urbo esas importanta haltopinto che la Transsiberia fervoyo e la nordala termino di la fervoyo Turkestan-Siberia. L'aeroportuo Tomachevo ligas Novosibirsk ad altra Rusa urbi ed anke a Europa ed Azia. Anke existas la mikra aeroportuo Yeltsovka.

La metroo di Novosibirsk inauguresis en 1986, esante l'unesma sistemo di metroo en Siberia. Ol konsistas ek du linei kun entote 15,9 km e 13 stacioni. Un ek la linei trairas la fluvio Ob per ponto. Ultre la metroo, l'urbala sistemo di transporto konsistas ek linei di troleobusi, tramveturi, autobusi e Marshrutkas (buseti).

Referi[redaktar | redaktar fonto]

  1. (19ma di agosto 2009) Official website of Novosibirsk. (en Rusa).
  2. AllSiberia