Nutri-Score

De Wikipedio
Salti al navigilo Irez a serchilo
La etiketo Nutri-Score "A" markas la maxim bonqualesa nutrivi.

Nutri-Score, anke nomita 5-Kolora Nutrala Etiketo, esas sistemo di nutral etiketizo fondita sur piktogramo kun kin gradi: de A til E e de lo verda til lo reda, segun la nutrala qualeso di nutrivo. Ol vizas favorar la elekto di plu bonqualesa produkturi da la konsumeri, e tale partoprenar la lukto kontre la augmentanta vaskulomorbi, obezeso e diabeto.

Ol establisesis da la Franca guvernerio en 2016 ed aplikesas da la produkterii segunvolunte. Altra landi adoptis la sistemo Nutri-Score: Belgia, Hispania. Nuntempe la legaro di Europan Uniono ne permisas al membra stati obligar ita etiketo-sistemo: tale li darfas nur rekomendar ol e kadrizar olua uzado.