Paul Ben-Haim
Paul Ben-Haim o Ben-Chaim, en la Hebrea: בן חיים, פאול, naskis kom Paul Frankenburger, (n. München, la 5ma di julio 1897 - m. Tel Aviv, la 14ma di januaro 1984) esis German-Israelana kompozisto, muzik-pedagogo e dirigento.
Dum l'Unesma Mondo-milito Ben-Haim (lore Frankenburger) devis cesar sua studio por kombatar. Il divenis dirigento dil opero di Augsburg. Kande ilua koncerto Concerto Grosso debutis en 1933, jurnali skribis pri skandalo ke orkestro pleis verko da judo. Frankenburger decidis migrar a Palestina ube il adoptis sua nova nomo[1].
Por la nova stato Israel il kompozis muziko qua expresis l'identeso di la nova stato. Il inspirigis su da melodii e soni di la juda muziko e la mez-oriento[2].
Referi[redaktar | redaktar fonto]
- ↑ https://www.volkskrant.nl/muziek/paul-ben-haim-liet-zich-inspireren-door-de-melodieen-en-versieringen-van-de-joodse-muziek-uit-het-midden-oosten~bf79a166/
- ↑ https://www.volkskrant.nl/muziek/paul-ben-haim-liet-zich-inspireren-door-de-melodieen-en-versieringen-van-de-joodse-muziek-uit-het-midden-oosten~bf79a166/