Pedro la 2ma di Brazilia
| Pedro la 2ma | ||
 | ||
Imperiestro di  Brazilia | ||
| Guvernisteso: | de la 7ma di aprilo 1831 til la 15ma di novembro 1889 | |
| Precedanto: | Pedro la 1ma | |
| Sucedanto: | ne havis | |
| Personal informi | ||
| Naskodato: | 2 di decembro 1825 | |
| Naskoloko: | Rio de Janeiro | |
| Mortodato: | 5 di decembro 1891 | |
| Mortoloko: | Paris, Francia | |
| Spozo: | Teresa Cristina de Bourbon-Du Sicilii | |
Pedro la 2ma (n. ye la 2ma di decembro 1825 til la 5ma di decembro 1891) esis imperiestro di Brazilia de la 7ma di aprilo 1831 til la 15ma di novembro 1889.
Naskinta en Rio de Janeiro, il esis filiulo del imperiestro Pedro la 1ma di Brazilia e Maria Leopoldine de Austria. Ilua matro mortis kande il evis 1 yaro. Kande lua patro renuncis la krono di Brazilia, ilu livis Pedro, lor evinta 5 yari, en Rio de Janeiro, sorgata da José Bonifácio de Andrada e Silva, qua esis sua preceptoro til la deklaro di sua majoreso, kande il evis 14 yari.
Pedro la 2ma studiis multe dum sua infanteso ed yuneso kom preparo por asumar la trono. Ilu prizis muziko e cienci, e divenis amiko di Richard Wagner, Louis Pasteur, Henry Wadsworth Longfellow, inter altri, ed admiresis da Charles Darwin, Victor Hugo e Friedrich Nietzsche. Dum sua regno, Brazilia esis vinkinto en tri internaciona konflikti: la milito kontra Oribe e Rosas, la milito kontra Atanasio Cruz Aguirre, e la milito di Paraguay.
En 1888, dum voyajo a Europa por kuraco di sua saneso, sua filiino, princino Isabel, subskribis lego qua abolisis sklavigo en Brazilia.
Depos sua revoko, Pedro la 2ma nek permisis armizita reakto kontra sua revoko de la povo, nek probo pri restauro di la monarkio per milito. La destronizita imperiestro pasigis la lasta du yari di sua vivo exilita en Europa.
Kelka yardeki pos sua morto, sua reputeso restauresis, e sua restaji transportesis a Brazilia por sepulto.