Pier Paolo Pasolini
| Pier Paolo Pasolini | ||
 | ||
| Profesiono: | filmifisto e jurnalisto | |
| Lando: |  Italia | |
| Naskodato: | 5 di marto 1922 | |
| Nasko-loko: | Bologna, Italia | |
| Mortodato: | 2 di novembro 1975 | |
| Morto-loko: | Roma, Italia | |
Pier Paolo Pasolini, anke konocita kom PPP (1922 til 1975) esis Italiana poeto, jurnalisto, intelektualo, marxisto e filmifisto.
En 1939 Pasolini studiis en l'Universitato di Bologna. En 1941 il skribis ilua unesma poemaro "Poesia a Casarsa". Dum la duesma milito mondala il milit-kaptesis da la Germani, ma sucesis eskapar. Pos la milito il membrigis su di la Komunistala Partiso di Italia.
Pos la morto di ilua patro (oficiro en la fashistal armeo) ed ilua fratulo (partizano mortigita dum la milito) Pasolini ed ilua matro vivis en Roma en povreso. Ol esas temo di ilua libro "Ragazzi di vita" ((yunuli di la vivo; 1955), qua ultre laudesis anke kritikesis pro olua supozat obceneso.
En 1961 il entamas la cinematografo. Ilua filmi ofte provokis skandalo e konfuzeso. La temi esis politikal e religiala de vidpunto sociala. La filmo "Salò o le 120 giornate di Sodoma" (Salò o la 120 dii di Sodom, 1975) segun romano da Markezo de Sade, interdiktesis en diversa landi.
Pasolini de 1973 til sua morto, ne cesis denuncar en la jurnalo Corriere della Sera la korupteso di la politikal elito, la transvivo di la fashismo e povo di la mafio.
Ocido
[redaktar | redaktar fonto]La 2ma di novembro 1975, Dio di la Fidela Mortinti, la kadavro di Pasolini trovesis sur la plajo di Ostia (Roma). Ilua kordio krevesis, ilua vizajo dislaceresis e la kadavro survehesis plura voyi per automobilo. La krimineyo ne baresis da la polico, kuriozi di la quartero venis regardar la kadavro dil artisto, qua rapide kovresis per lito-linjajo. La 17 evanta prostitucatulo Giuseppe Pelosi kulpigesis, ma sempre (hodie ankore) konjektesas ke esis pro politikala motivi[1]