Pierre Bourdieu

De Wikipedio
Pierre Bourdieu
Profesiono: sociologo
Lando: Francia
Naskodato: 1 di agosto 1930
Nasko-loko: Denguin, Francia
Mortodato: 23 di januaro 2002
Morto-loko: Paris, Francia

Pierre Félix Bourdieu (1ma di agosto 1930[1] til la 23ma di januaro 2002) esis Franca sociologo.

La verki da Bourdieu studiis precipue la diversa e subtila formi per qui la povo transferesas e la social ordino mantenesas generaciono pos generaciono. Ilu havis pri la socii la sam opiniono kam Weber, kontraste kun la tradicionala idei Marxista, quin lu konsideris importanta por komprenar la socii, studianta la proprieto di ekonomiala moyeni.

Segun Bourdieu, ula socio ne povas komprenesar nur per l'analizo dil ekonomikala klasi ed ideologii, ma anke per l'analizo dil edukala e kulturala kustumi de ica socio. Bourdieu uzis konceptajo quan ilu nomizis habitus, qua esus l'ensemblo di kustumi e kulturo di ula socio quan ula individuo asimilas quale su propra etoso. Segun Bourdieu, l'individuo "savas" se ula formo di agar esas "afektacema" o "neadequata" per l'asimilo di influi dal altra membri de lua grupo. Kontraste, altra grupo povas judikar la sama agadi kom "bona" od "adequata". La familio, la docisti di la skolo e pose altra membri di la socio "talias" la sociala reguli en la mento di la personi.[2]

Segun Bourdieu, ultre l'ekonomiala richeso, la "financala kapitalo", existas la "kulturala kapitalo", e malgre esar nefacila, esas posibla por ulu de basa klaso sociala acensar sociale, exemple per studio en bona skolo e sequante l'obteno di bona employo.[2]

Referi[redaktar | redaktar fonto]

  1. Biographie Pierre Bourdieu - URL vidita ye 10ma di decembro 2017. Idiomo: Franca.
  2. 2,0 2,1 O Livro da Sociologia (tradukuro a la Portugalana de "The Sociology Book", DK Penguin Random House, London UK).  Publikigita da Globo Livros.  Loko di publikigo: São Paulo, Brazilia. Dato di publikigo: 2015. 

Extera ligili[redaktar | redaktar fonto]

HyperBourdieu@WorldCatalogue