Robert Schumann

De Wikipedio
Por la chefministro di Francia pos la duesma mondomilito, videz Robert Schuman.
Robert Schumann
Profesiono: kompozisto
Lando: Germania
Naskodato: 8 di junio 1810
Nasko-loko: Zwickau, Germania
Mortodato: 29 di julio 1856
Morto-loko: proxim Bonn, Germania

Robert Schumann (1810 til 1856) esis Germana kompozisto.

Simfonii[redaktar | redaktar fonto]

Ye la 31ma di marto 1841 eventis la unesma pleado di lua Simfonio no. 1, la Printempo Simfonio. Pos sugesti da lua muzikala spozino Clara ke il skribez por orkestro, il skisis la simfonio dum quar dii en januaro, e kompletigis la instrumentizado ante la fino di februaro. La unesma pleado, qua esis sucesoza, eventis ye la Gewandhaus en Leipzig.

Ilua Simfonio no. 4 esis unesmafoye pleata ye 6 di decembro 1841 en la Gewandhaus di Leipzig, direktata da Ferdinand David. Ca numero esis plu tarde donata a la simfonio; Schumann kompozis ol kurte pos la sucesoza unesma pleado di Simfonio no. 1, ed ol esis kompleta por prizenteso a lua spozino Clara ye 13 di septembro 1841 kom naskodio-donacajo. Pos la pleado, il esis ne kontenta pri la nova simfonio, ed il plu tarde ri-instrumentizis ol. La nova versiono, dedikita a la violinsto Joseph Joachim, esis unesmafoye pleata ye 3 di marto 1853 en Düsseldorf.

En Düsseldorf ye 6 di februaro 1851, ilua 3ma Simfonio (Rheinische Sinfonie) esis unesmafoye pleata, direktata da la kompozisto. Ol esis bone recevata, ed ol esis pleata en la sama monato en Köln. Ye septembro 1850 le Schumann komencis rezidar en Düsseldorf, ube Robert esis municipala direktisto di muziko. Ye la fino di septembro li vizitis Köln; il esis impresita da la katedralo e la peizajo di la regiono di la Rheno, el il celebris la vizito en ca simfonio.