Bonn

De Wikipedio
Salti al navigilo Irez a serchilo
Bonn
Bonn LangerEugen Posttower.jpg
Edifico Langer Eugen, apud Rheno.
Flagge der kreisfreien Stadt Bonn.svg DEU Bonn COA.svg
Standardo Blazono
Lando: Flag of Germany.svg Germania
Stato: Nordrheno-Vestfalia
Informo:
Latitudo: 50°44'2"N
Longitudo: 7°05'59"E
Altitudo: 60 m
Surfaco: 141,2 km²
Habitanti: 327 913 (2011)
Denseso di habitantaro: 2322 hab./km²
Horala zono: UTC+1
(UTC+2 dum la somero)
Urbestro: Ashok-Alexander Sridharan (CDU)
Mapo:
Mapo di Bonn
Oficala retosituo:
www.bonn.de

Bonn esas urbo en Germana stato Nordrheno-Vestfalia. Segun statistiki de 2011, ol havis 327 913 habitanti. Lua tota surfaco esas 141,2 km².

Bonn distas cirkume 24 kilometri de Köln, ed esas la nasko-loko di Ludwig van Beethoven, en 1770. Beethoven vivis lua infanteso ed adolecanteso en la urbo. L'urbo havas importanta universitato.

De 1949 til 1990, Bonn esis chef-urbo di West-Germania. Til nun, cirkume 1/3 ek la ministeriala ofici restas en la urbo.

Historio[redaktar | redaktar fonto]

En 1914, trovesis en Oberkassel la restaji di moderna viro e muliero de cirkume 12.000 til 14.000 yari ante nun. To montras ke la regiono di Bonn ja habitesis adminime de paleolitiko. Tamen, la historio di la regiono ante 600 aK esas poke konocata. Posible la nomizita "kulturo Hunsrück-Eifel" dominacis la regiono ante l'arivo di Romani.

L'urbo fondesis dal Romani cirkume la yaro 12 ante Kristo. Li establisis garnizono proxim la centro di la nuna urbo. La Latina nomo por la kolonieto, "Bonna", posible originis de la populo trovita ibe, l'Eburoni.

La prospereso dil urbo komencis pos la duesma mondomilito, kande ol divenis chef-urbo di West-Germania, pro lua strategiala lokizo, proxim Rheno.

Geografio[redaktar | redaktar fonto]

Publika edifici de Bonn.

La reliefo di Bonn esas plana, cirkondata da basa kolini, okupanta cirkume 141,2 km² en amba rivi dil Rheno. L'urbo jacas en la stato Nordrheno-Vestfalia, proxim Rhenlando-Palatenio.

La klimato dil urbo esas oceanala (klasifikata kom Cfb segun la klimatala klasifikuro da Köppen-Geiger). Bonn esas un ek la maxim varma regioni de Germania. La maxim kolda monato esas januaro, kun temperaturo mezavalora di 2,4°C. Nivas dum poka dii dum la vintro. La maxim varma monato esas julio, kun mezavalora temperaturo di 18,8°C. La mezavalora yarala temperaturo esas 10,3°C.

La mezavalora yarala pluvo-quanto esas 816 mm. La maxim pluvoza monato esas junio (86 mm), kontre ke la maxim sika monati esas februaro ed aprilo (54 mm).