Rudimenta linguae finnicae breviter delineata

Rudimenta linguae finnicae breviter delineata estimesas esar la maxim anciena gramatiko pri la Finlandana linguo. La Nacionala Biblioteko di Finlando enarkivigis un exemplaro en sua arkivo di la manuskripti en autuno di la yaro 2009. Kolektero Ilkka Paatero obtenabis ol de librovendisto Andrew Eriksson, qua komprabis ol che la auciono di Sotherby.

Rudimenta esas mikra libro, qua konsistas nur de 24 pagini. Segun la studiisti di la Centro di la Finlandala Lingui la libreto esas skribita nur da un persono, qua, segun la dialektala traiti, venis probable de la regiono di Rauma od Uusikaupunki. La materio e la skribostilo datizesas en la 17ma yarcento, ma la manuskripto povas esar kopiuro de plu anciena fonto. La studiisti di la Centro di la Hemolandala Lingui konsideras esar posibla, ke la Rudimenta esas skribita en la fino di 16ma yarcento da Olaus Sundergelteus e Johannes Jussoila.