São José dos Campos

São José dos Campos
Noktal imajo pri São José dos Campos.
Standardo	Blazono
Lando:	Brazilia
Stato:	Sao Paulo
Informo:
Latitudo:	22°10'46" S
Longitudo:	45°53'13" W
Altitudo:	660 m
Surfaco:	1099.7 km²
Habitanti:	713 943 (2018)
Denseso di habitantaro:	649,17 hab./km²
Disto de Sao Paulo:	97 km
Horala zono:	UTC-3 (UTC-2 dum la somero)
Urbestro:	Felício Ramuth (PSDB) (2017-2020)
Mapo:
Oficala retosituo:
www.sjc.sp.gov.br

L'urbo São José dos Campos.

São José dos Campos esas importanta industriala urbo en Braziliana stato Sao Paulo. Segun statistiki dil yaro 2018 ol havis 713 943 habitanti. Ol esas la 6ma maxim populizita urbo dil stato Sao Paulo, e la 26ma maxim populizita di Brazilia. Lua tota surfaco esas 1 100 km².

São José dos Campos fondesis ye la 27ma di julio 1767. Dum la 19ma yarcento la kultivo di kafeo portis richeso al urbo. Dum la 20ma yarcento e pose, la precipua ekonomial agado esas l'industrio, note metalifado e mashinifado. Importanta firmi, exemple Panasonic, General Motors, Johnson & Johnson, ed altri, havas fabrikerii en la urbo. Ol esas la nacionala sideyo di Embraer, Braziliana fabrikanto di avioni qua esas un ek la maxim importanta aviono-fabrikanti del mondo. L'urbo anke esas sideyo di importanta centri di inquesti, note pri teknologio. La fakultato Instituto Tecnológico de Aeronáutica - ITA - kreita en 1950 formacas specaligata injeniori, note pri aeronautiko.

Aviono an la parko Santos Dumont.