Sergei Rachmaninoff

De Wikipedio
Irez ad: pilotado, serchez
Sergei Rachmaninoff
Sergei Rachmaninoff LOC 33968 Cropped.jpg
Profesiono: kompozisto e muzikisto (pianisto)
Lando: Flag of Russia.svg Rusia
Naskodato: 20 di marto 1873
Nasko-loko: Semyonovo, Rusiana Imperio
Mortodato: 28 di marto 1943
Morto-loko: Beverly Hills, Kalifornia

Sergei Rachmaninoff (1873 til 1943) esis Rusa pianisto e kompozisto.

De 1918, pos frua kariero en Rusia ube ilu kompozis multo, il rezidis en Usa ube il havis kariero kom pianisto, retrovenante singla-somere ad Europa, por vakancar e kompozar.

Ye la 7ma di novembro 1934 en Baltimore, Usa, il donis unesma pleado di sua verko por piano ed orkestro Rapsodio sur Temo di Paganini. Il skribis la verko en Suisia dum la somero di 1934. Ol konsistas ek 24 variadi sur la 24ma e lasta de la kapricii por violino da Niccolò Paganini. La maxim bone konocata de la variadi esas no. 18, Andante cantabile, qua ofte esas audata sen la altra variadi.

Ilua lasta verko, Symphonic Dances por orkestro, di 1940, esis ilua unika verko skribita en Usa (en Long Island, New York). Ilu lastafoye pleis piano en koncerto ye la 17ma di februaro 1943, en Knoxville, Tennessee.

Il mortis pro kancero ye la 28ma di marto 1943 en ilua hemo en Beverley Hills, Kalifornia.