Sergei Vasilyevich Rahmaninov
| Sergei Vasilyevich Rahmaninov | ||
| ||
| Profesiono: | kompozisto e muzikisto (pianisto) | |
| Lando: |  Rusia
| |
| Naskodato: | 1 di aprilo 1873 | |
| Nasko-loko: | Semyonovo, Rusiana Imperio | |
| Mortodato: | 28 di marto 1943 | |
| Morto-loko: | Beverly Hills, Kalifornia | |
| Retoloko: | https://www.rachmaninoff.org | |
Sergei Vasilyevich Rahmaninov, ank konocata kom Sergei Rachmaninoff (n. 1ma di aprilo 1873 til 28ma di marto 1943) esis Rusa pianisto e kompozisto.
De 1918, pos frua kariero en Rusia ube ilu kompozis multo, il rezidis en Usa ube il havis kariero kom pianisto[1], retrovenante singla-somere ad Europa, por vakancar e kompozar.
Ye la 7ma di novembro 1934 en Baltimore, Usa, il donis unesma pleado di sua verko por piano ed orkestro Rapsodio sur Temo di Paganini. Il skribis la verko en Suisia dum la somero di 1934. Ol konsistas ek 24 variadi sur la 24ma e lasta de la kapricii por violino da Niccolò Paganini. La maxim bone konocata de la variadi esas no. 18, Andante cantabile, qua ofte esas audata sen la altra variadi.
Ilua lasta verko, Symphonic Dances por orkestro, di 1940, esis ilua unika verko skribita en Usa (en Long Island, New York). Ilu lastafoye pleis piano en koncerto ye la 17ma di februaro 1943, en Knoxville, Tennessee.
Il mortis pro kancero ye la 28ma di marto 1943 en ilua hemo en Beverly Hills, Kalifornia.
Referi
[redaktar | redaktar fonto]- ↑ Jean-Pierre Thiollet, 88 notes pour piano solo, "Solo nec plus ultra", Neva Editions, 2015, p.50. ISBN 978 2 3505 5192 0.