Shablono:Eventi/4 di oktobro
.JPG)
|
Luna 3
|
- 1669. En Amsterdam, la piktisto Rembrandt van Rijn mortis. Il naskis en Leiden en 1606; ye cirkume 1625 il apertis studieyo en la urbo e, pos deskovreso da Nederlandana politikestro Constantijn Huygens, il recevis importanta komisi. De 1631 il rezidis en Amsterdam e ganis suceso kom portretisto. Ilua multa su-portreti esas notenda, la unesma piktita en 1628, la lasta en 1669.
- 1883. La longa-dista treno-servado la Orient-Express komencis. Ol esis establisata da Georges Nagelmackers, qua fondis la Compagnie internationale des wagon-lits. La originala voyo de Paris a Konstantinoplo inkluzis paromo trans la Danubio, ye la frontiero di Romania e Bulgaria, e paromo-voyajo de Varna, an la Nigra maro, a Konstantinoplo. Direta voyo de Paris a Konstantinoplo komencis en 1889.
- 1959. Luna 3, kosmosondilo di USSR, lansesis; ol esis la unesma sondilo qua fotografis la fora latero di la luno. Ol esis pozata en tre elipsa orbito, tante ke ol povis atingar la luno. 29 fotografuri prenesis dum 40 minuti ye 7 di oktobro, ye cirkume 65.000 km de la surfaco di la fora latero; cirkume 70 procenta de ta latero esis fotografata. La filmo esis revelata, fixigata e sikigata en la sondilo, e la rezultaji esis *skanata e transmisata. 17 de la imaji esis utiligebla.