Shinto

De Wikipedio
(Ridirektita de Shintoismo)
Torii
Torii an l'eniro dil Shinto-santuario Itsukushima, che Hiroshima.
Amaterasu, deino di la suno, segun Shinto.

Shinto o Shintoismo esas la maxim anciena ek la moderna religii de Japonia. Ol esas politeista religio e meditas pri tale dicita kami (神; "dei" o "spiriti"), supernatura enti quin lua praktikanti kredas habitar la kozi. Pro la ligilo inter kami e la naturala mondo, Shinto judikesas kom animismala e panteista religio. Le kami adoresas en domestika altari, nomizita kamidana.

La veneraco di kami komenis dum l'epoko Yayoi (c. 300 aK til c. 300). Buddhismo eniris en Japonia dum la fino dil epoko Kofun (300 til 538) veninta de Korea, ed expansis rapide. Pro regiliala sinkretismo, l'adoro di kami e Buddhismo divenis fakte neseparebla, en procedo nomizita shinbutsu-shūgō. Le Kami divenis parto de Buddhista kosmologio, e komencis esar reprezentita antropomorfale.

Shinto existas precipue en Japonia, ube trovesas cirkume 100 mil publika santuarii, ma ank existas adepti exterlande. Ol esas la maxim praktikata religio di Japonia, esanta Buddhismo la 2ma. Dum Meiji-epoko, nacionalisti Japoniana ekpulsis l'influo Buddhista del adoro di kami, e kreesis tale dicita "statala Shinto". Civitani stimulesis adorar l'imperiestro kom kami. Kande Japonian imperio formacesis dum la komenco dil 20ma yarcento, Shinto komencis exportacesar ad altra regioni de Estal Azia. Pos ke Japonia perdis la duesma mondomilito, la religio separesis de la stato en la lando.

Segun Shinto, existas 8 milion kami, e lua praktikanti kredas ke li existas omnaloke. On kredas ke kami habitas sive vivanta, sive mortinta individui, sive organika, sive neorganika materii, ed anke dizastroza o meteorologiala eventi, exemple ter-tremi, sikeso, epidemii, pluvo, sunolumo, fairo o vento.[1] Existas sive granda santuarii por veneracar kami, sive mikra domala altari por veneracar li heme.

Referi[redaktar | redaktar fonto]

  1. Autoro: Joseph Cali, John Dougill. Shinto Shrines: A Guide to the Sacred Sites of Japan's Ancient Religion.  Publikigita da University of Hawai'i Press.  Loko di publikigo: Honolulu. Dato di publikigo: 2013.