Su-ocido

De Wikipedio
Le Suicidé, pikturo da Édouard Manet
Pilotisti kamikaze Japoniana, aprilo 1945.

Su-ocido esas kande ulu efektigas sua propra morto.[1] Mentala morbi, exemple depreso, bipola morbo, morbi dil spektro di autismo, skizofrenio, disordini di personeso, disordini pro anxio), l'abuzo di alkoholo o problemi pri retreto dil uzo di benzodiazepini* esas risko-faktori.[2][3] Kelka suocidi esas impulsiva agadi pro intensa mentala fatigo, exemple financala od akademiala nesucesi, problemi en parenteso (exemple afektiva rupti), ed altri.

Dum la duesma mondomilito, pilotisti avionala Japoniana uzis suocido kom maniero di atakar lia enemiki. Anke dum la 20ma e la 21ma yarcenti, teroristi uzis suocidi por produktar granda quanto di morti di enemiki od efektigar protesti.

Afisho che ponto Golden Gate, en San Francisco, Usa por preventar suocido.

En multa landi, diversa institucuri publika e privata (religioza o karitatoza) dedikas su a helpar personi qui konfrontas desfacilesi, por preventar suocidi. Li konsilas individui parolar anonime pri lia problemi, por stimular lia espero e preventar ke li mortigez su. On kalkulas ke cirkume 60% de la individui qui probas/probis suocidar nulatempe serchis ula helpo o kuraco.

Referi[redaktar | redaktar fonto]

  1. Stedman's Medical Dictionary - Publikigita da Lippincott Williams & Wilkins. Dato di publikigo: 2006. ISBN: 978-0-7817-3390-8 
  2. Suicide Fact sheet N°398 - URL vidita ye 3 March 2016. 
  3. Preventing Suicide A Resource for Media Professionals - Dato di publikigo: 2008. ISBN: 978-92-4-159707-4