Sun Valley, Idaho
| Sun Valley | ||
| ||
| Habiteyi en Sun Valley | ||
| Lando: |  Usa
| |
| Stato: | Idaho | |
Informo:
| ||
| Latitudo: | 43°41'N | |
| Longitudo: | 114°21'W | |
| Altitudo: | 1812 m | |
| Surfaco: | 24,8 km² | |
| Habitanti: | 1 783 (2020) | |
| Denseso di habitantaro: | 59,99 hab./km² | |
| Disto de Boise: | 277,8[1] km | |
| Horala zono: | UTC-7 (UTC-6 dum somero) | |
| Urbestro: | Peter Hendricks | |
Mapo:
| ||
| ||
Oficala retosituo:
| ||
| https://www.sunvalley.govoffice.com | ||
Sun Valley esas urbo che komtio Blaine, Idaho, Usa. Ol jacas proxim urbo Ketchum. Segun la demografiala kontado di 2020, ol havis 1 783 habitanti, kontre 1 406 habitanti en 2010[2] e 1 427 habitanti en 2000[3]. Lua tota surfaco esas 24,8 km², equivalanta a 9,58 mi², di qui 24,77 km² (9,56 mi²) esas lando.
Sun Valley esas tre richa areo, e poka personi habitas ibe dum la yaro. La maxim multa habitas vicina urbi, exemple Boise, Twin Falls, od en altra stati, exemple Kalifornia. Exemple pri personi qui havas o havis domi en Sun Valley: Walter Annenberg, Ernest Hemingway, Teresa Heinz Kerry, Demi Moore, Bruce Willis ed Arnold Schwarzenegger.
Multa personi vizitas Sun Valey dum la vintro por skiagar en la monti Bald Mountain o Dollar Mountain. La kulminopunto di Bald Mountain jacas a 2790 m di altitudo.
Demografio
[redaktar | redaktar fonto]Segun la demografiala kontado di 2000, esis 1 427 homi, 594 hemanari, e 343 familii qui rezidis en la urbo. La denseso di habitantaro esis 55.8/km² (144.6/mi²). Esis 2 339 domi kun mezvalora denseso di 91.5/km² (237.1/mi²). Segun raso, esis 92.43% Blanki, 0.35% Negri od Afrikan-Usani, 0.42% indijeni Amerikana, 0.77% Aziani, 0.00% Pacifik-insulani, 4.20% de altra rasi, e 1.82% de du o plura rasi, e 7.15% de la habitantaro esis Hispan-Amerikani o Latin-Amerikani de irga raso.
Esis 594 hemanari, di qui 16.3% havis pueri od adolecanti evante min kam 18 yari en la domo, 52.5% esis mariajita e habitis kune; muliero sen spozulo esis la domo-chefo en 4,2% de la hemanari, e 42.1% esis ne-familii. En 34.7% ek omna hemanari vivis sola individuo, e 10.3% habitesis da sola individuo evanta 65 yari o pluse. La mezvalora grandeso po hemanaro esis 1.97 personi e la mezvalora grandeso po familio esis 2.50 personi.
La procento di habitanti segun evo esis: 11.9% evanta min kam 18 yari, 12.2% de 18 til 24 yari, 21.9% de 25 til 44 yari, 36.7% de 45 til 64 yari, e 17.3% evanta 65 yari o pluse. La mezavalora evo esis 48 yari. Po singla 100 mulieri esis 104.4 viri. Po singla 100 mulieri evanta 18 yari o pluse esis 105.4 viri.
La mezvalora revenuo po hemanaro en la urbo esis US$ 71 000, e la mezvalora revenuo po familio esis US$ 85 000. La mezvalora revenuo por la viri esis US$ 31 979, kontre US$ 27 143 por la mulieri. La revenuo per capita por la urbo esis US$ 50 563. Vivis sub la povreso-lineo 14,9% de la habitantaro e 2,7% de la familii, inkluzite 15,7% ek omna habitanti evanta min kam 18 yari, e 2,4% ek omna habitanti evanta 65 yari o pluse.
Referi
[redaktar | redaktar fonto]- ↑ https://www.rome2rio.com/s/Boise/Sun-Valley-ID-USA
- ↑ Spokesman-Review - 2010 census - Sun Valley, Idaho - URL vidita ye 7ma di januaro 2012.
- ↑ U.S. Census Bureau. Census 2000 Summary File 1