Tamil Nadu
Tamil Nadu
தமிழ் நாடு
| |||||||||||||||||||||||||||||||||||||||||||||||||||||||||
.svg)
Tamil Nadu esas un ek la 28 stati di India. Lua chef-urbo e maxim populoza urbo esas Chennai. Ol esas la maxim sudala regiono de Indiana subkontinento.
Historio
[redaktar | redaktar fonto]
Arkeologiala restaji montras ke Tamil Nadu ja habitesis plua kam 385 mil yari ante nun da hominidi. Utensili de neolitiko de 1500 til 2000 aK kun enskriburi montras l'uzo di tale nomizita "linguo Harappan", ankore ne dechifrita. Exkavi proxim la nuna urbeto Keezhadi montras l'existo di granda urbo en la regiono, cirkume 580 aK, epoko dil urbanigo di la vasta regiono inter fluvii Indo e Ganga. Altra enskriburi trovita en Adichanallur montras l'uzo di kursiva tipo Tamil Brahmi dum la 5ma yarcento aK.
La regiono administresis da multa imperii, inkluzite la nomizita "tri granda imperii": Chera, Chola e Pandyan. La fonto di multa informi pri l'anciena civilizuro esas la literaturo Sangam, skribita per Tamil-linguo. On kalkulas ke l'epoko Sangam duris dum cirkume 8 yarcenti, de 500 aK til cirkume la yaro 300. La dinastio Pallava guvernis la regiono de la 4ma til la 8ma yarcenti. De la 9ma til la 13ma yarcento, la dinastio Chola okupis la regiono.
Geografio
[redaktar | redaktar fonto]La westo, la sudo e la nord-westo dil stato esas montoza regioni, kun richa vejetantaro. Lua klimato influesas dal musoni, e subisas sikeso kande la musono falias.