Testi di Jehova

De Wikipedio
Testi di Jehova en Naziista koncentreyi identifikesis per purpurea triangula insigni.

Testi di Jehova esas kristana kongregaciono *restaurista (to esas, qua kredas ke Kristanismo mustus riadoptar anciena e "pura" religiala praktiki), qua ne kredas ke Deo esas triuno, e kredas ke Iesu retrovenos a la Tero por restaurar la rejio di Deo pos granda transformi en la socio. Li unesme esis konocita kom "Studenti di la Biblo".

Fondita dum fino di la 19ma yarcento en Usa da Charles Taze Russell (1852-1916), nuntempe existas 8.6 milioni aktiva membri en tota la mondo. La Testi di Jehova konocesas pro sua predikado, sua revui "La Gardoturmo" e "Vekez!", la refuzo di sangotransfuzi ed armeala servado.