Tijuana

De Wikipedio
Tijuana
Blazono
Lando: Mexikia
Stato: Baja California
Informo:
Fondita ye: 11ma di julio 1889
Latitudo: 32°31'N
Longitudo: 117°02'W
Altitudo: 31 m
Surfaco: 637 km²
Habitanti: 1 810 645[1] (2030)
Denseso di habitantaro: 2832,5 hab./km²
Urbestro: Montserrat Caballero Ramírez (MORENA)
• Tijuana
Oficala retosituo:
http://www.tijuana.gob.mx

Tijuana esas la maxim populoza urbo dil stato Baja California e Peninsulo Baja en Mexikia.

Kom la 6ma maxim granda urbo en Mexikia e centro dil 6ma maxim granda metropolo en Mexikia, Tijuana forte influas eduko e politiko trans la lando, plus transporto, kulturo, arto e fabriko, e kom migro-nabo. Nunadie Tijuana esas un ek la maxim rapide kreskanta metropolal arei en Mexikia. Segun statistiki por 2019, l'urbo havis 1 902 385 habitanti.

Tijuana situesas an la Pacifika litoro di Baja California. Dominacanta fabriko-centro di Nord-Amerika, l'urbo gastigas kontori di multa plurnaciona kompanii. Dum la frua 21ma yarcento, Tijuana divenis la centro di fabrikado di medicinal aparati di Nord-Amerika.

Tijuana esas anke kreskanta kulturala centro. L'urbo esas la maxim vizitata frontier-urbo en la mondo; havanta frontiero de c. 24 km kun San Diego, Usa. Plu kam kinadek milion homi transiras la frontiero inter ta du urbi omnayare. Tale la Eniro-Portuo San Ysidro esas la quaresma maxim uzata terala frontiero-transireyo en la mondo, kun 300.000 transiri singladie.

Tijuana esas la 45ma maxim granda urbo en Amerika ed esas la maxim westala urbo en Mexikia

La moderna historio di Tijuana komencis lor l'arivo di hispana exploreri dum la 16ma yarcento qui facis mapi di la litoro. Kande l'usana okupo di Mexiko finis per la Pakto di Guadalupe Hidalgo, la nova internaciona loko di Tijuana an la frontiero duktis a nova ekonomial e politikal strukturo. L'urbo fondesis ye 11 julio 1889.

Ofte konocata per sua supozebla parafo, T.J., e surnomo Gateway to Mexico (pordeyo a Mexikia), l'urbo historiale servas kom turisto-centro depos la 1880a yari.

Nomo[redaktar | redaktar fonto]

La nomo dil urbo devenas de la rancho quan Santiago Argüello Moraga establisis en 1829, nomizita Rancho Tía Juana.

L'unesma hispana misiono nomizis la kolonio diverse La Tía Juana, Tiguana, Tiuana, Tiwana, Tijuan, Ticuan, ultre Tijuana.

Referi[redaktar | redaktar fonto]

  1. México en cifras - URL vidita ye 27ma di mayo 2023. Idiomo: Hispana.