Tradicionalista katolikismo

Elevo di kalico pos konsakrado.

Traditionalista katolikismo esas movado qua emfazas kredaji, praktiki, kustumi, tradicioni, liturgiala formi, devocaji e docado-prizenti asociata kun la Katolik eklezio ante la Duesma Vatikana Koncilo (1962-1965). Tradicionalista Katoliki emfazas precipue la Meso celebrata en Latina linguo e Romana Rituala liturgio, preske komplete remplasata da la Meso di Paulus la 6ma pos la Duesma Vatikana Koncilo.

Multa Tradicionalista Katoliki desaprobis la liturgiala chanji qui sequis la Duesma Vatikana Koncilo, e preferis durar la praktiko di tradicioni e formi adoptita ante tala koncilo. Kelki anke judikas la nuna instrukti pri ekumenismo kom desklariganta la distingo inter Katoliki ed altra Kristani. Tradicionala Katolikismo ofte esas plu konservema en sua filozofio e mondovido, stimulanta modesta stilo di vestado.

Kelka Tradicionalista Katoliki refuzas la nuna papeso di Katolik Eklezio, e judikas la papi elektita pos la morto di Pius la 12ma ko "nelegitima". Pro ke ta grupi ne esas en "plena komuniono" kun la Papo e l'Episkopio di Roma, li ne judikesas kom membri de Katolik Eklezio, vice separita religiala grupi. Distingo ofte facesas inter altra grupi (kelkfoye nomizita Radikala Tradicionalisti) e Katoliki qui akceptas l'instrukti e autoritato di Katolik Eklezio, malgre aceptanta anciena tradicioni e praktiki, inkluzite la Meso en la Latina.